Зүүн өмнөд Азийн бүс нутгийн хуралд оролцож байна.


Тайланд улсын Бангкок хотноо энэ сарын 11-ээс 13-ны өдрүүдэд “Нөхөн үржэхүйн эрүүл мэнд /НҮЭМ/-ийн эм, хэрэгслийн тогтвортой байдлыг хангах талаар ухуулга, нөлөөллийн ажлыг сайжруулах нь” сэдэвт бүс нутгийн хуралд УИХ-ын гишүүн Р.Амаржаргал  оролцож байна.

НҮБ-ын Хүн Амын Сангаас зохион байгуулж буй тус хуралд Зүүн өмнөд Азийн 9 орны парламентын гишүүд, мэргэжлийн хүмүүс өөрийн орноо төлөөлөн оролцож байна. Манай орноос УИХ-ын гишүүн Р.Амаржаргал, Эрүүл мэндийн яамны мэргэжилтэн Б.Цэвэлмаа нар хуралд оролцож байгаа бөгөөд энэ сарын 12-ны өдөр Р.Амаржаргал хуралд оролцогчдод хандан “Харилцаа холбооны арга хэрэгслээр дамжуулан НҮЭМ-ийн эм, хэрэгслийн тогтвортой хангамжийг сурталчилах нь” сэдэвт илтгэл тавина.

НҮЭМ-ийн аюулгүй, чанартай эм, хэрэгсэлийн талаарх ойлголтыг нэмэгдүүлэх; Мянганы хөгжлийн зорилт болон эмэгтэйчүүдийн эрүүл мэндэд нөлөөлөх НҮЭМ-ийн эм, хэрэгслийн янз бүрийн элиментүүдийн талаарх харилцан ойлголтыг боловсронгуй болгох, НҮЭМ-ийн талаарх улс төрчдийн болон иргэдийн дэмжлэгийг бий болгохын тулд хэвлэл мэдээллийн хэрэгсэлтэй хамтран ажиллах, түүнчлэн НҮЭМ-ийг бэхжүүлэх нөлөө бүхий төвүүдтэй нягт хамтран ажиллах, үр дүнтэй мэдээллийг бий болгох зэрэгт ухуулга, нөлөөллийн гүйцэтгэх чадамжийн талаар, НҮЭМ-ийн талаарх төрийн дэмжлэг болон иргэдийн ухамсар, мэдлэгийг дээшлүүлэхэд нөлөөлөхүйц хэрэгслийг ухуулга, нөлөөлөлд ашиглах; зэрэг асуудлуудыг хурлын хүрээнд ярилцана.

Монгол улсын Засгийн газар Эхийн эндэгдлийг бууруулах стратеги төлөвлөгөө, Нөхөн үржэхүйн эрүүл мэнд Үндэсний хөтөлбөр, Эрүүл мэндийн салбарын мастер төлөвлөгөө, НҮЭМ-ийн эм хэрэгслийн тогтвортой хангамж үндэсний стратеги зэрэг төсөл, хөтөлбөрүүдийг дэмжин, хэрэгжүүлж байна.

Сидней хотыг зорив

Азийн Хөлбөмбөгийн Холбоо нь жил бүр шилдэгүүдээ тодруулах ёслолын арга хэмжээг 1994 оноос хойш албан ёсоор тэмдэглэж ирсэн билээ.

МХБХ-ны Ерөнхийлөгч Р.Амаржаргал, МХБХ-ны ЕНБ Дарга Б.Ганболд болон бусад албаны хүмүүс, Монгол орноо тэр дундаа хөлбөмбөг сонирхогчидоо төлөөлөн, Азийн Хөлбөмбөгийн Холбооны 2007 оны ёслолын арга хэмжээнд оролцохоор энэ сарын 27-ны Мягмар гаригийн өдөр Австрали улсын сидней хотыг зорив.

Ази тивийн хөлбөмбөгийн шилдэгүүдээ шалгаруулах ёслолын арга хэмжээний хүрээнд, Азийн улс орнуудын хөлбөмбөгийн холбоод харилцан туршлага солилцох, хамтран ажиллах гэрээ хэлэлцээр хийх зэрэг ажил төрлийн уулзалт явагдах нөхцөл давхар бүрддэг байна.

Хөдөлмөрийн гавъяаны улаан тугийн одон

Монгол Улсын Анхны Үндсэн хууль батлагдаж, Бүгд Найрамдах Улсаа тунхагласны ойг тохиолдуулан Монгол Улсын Ерөнхийлөгч жил бүр зарлиг гарган, улс орны хөгжилд онцгой гавъяа байгуулсан хүмүүст “Төрийн шагнал”-ыг олгодог билээ .

Энэ жилийн арга хэмжээн хүрээнд Ерөнхийлөгч Н.Энхбаяр ард түмэн, төр нийгмийнхээ төлөө өндөр үр бүтээл, бодит ач холбогдолтой ажилладаг хэмээн УИХ-ын гишүүн Р.Амаржаргалыг <<Хөдөлмөрийн гавъяаны улаан тугийн одон>>–гоор шагнаж, цаашдын ажилд нь амжилт хүсэв. Арга хэмжээний дараа УИХ-ын дарга Д.Лүндээжанцан УИХ-ын гишүүн Р.Амаржаргалыг хүлээн авч уулзан, баяр хүргэсэн юм.

Мөн Ерөнхийлөгч Н.Энхбаяр улс орны бүтээн байгуулалтад өндөр ололт амжилтыг нэвтрүүлсэн техник технологи, үйлдвэрлэлийн салбарынхан тэр дундаа олон талын зориулалт, ач холбогдол бүхий экологийн цэвэр түүхий эд, бүтээгдэхүүн “Хөөсөн перлитен элс үйлдвэрлэх арга технологи” боловсруулан үйлдвэрлэлд нэвтрүүлж байгаа инженер, Баярс Констракшн ХХК-ын ерөнхий захирал Н.Баянсайхан, уул уурхайн үйлдвэрийн ажлын арга зүй, технологи, шинжлэх ухааны үндэслэлийг боловсронгуй болгож, АНФО шинэ (тэсрэх бодис) төрлийн бүтээгдэхүүн зохион бүтээж, үйлдвэрлэлд нэвтрүүлсэн ШУТИС-ийн профессор Б.Лайхансүрэн, Монгол улсын шилдэг зохион бүтээгч, инженер Ж.Жаяъян болон бусад салбарын тэргүүлэгч хүмүүст “Төрийн шагнал” олгосон юм.

“Төрийн шагнал”-ын эздэд УИХ-ын гишүүн Р.Амаржаргал баяр хүргэж, эрүүл энхийг хүсэхийн ялдамд цаашид их ололт амжилт гаргана гэдэгт итгэл төгс байгаагаа илээрхийлж байна.

2007 оны 11 дүгээр сарын 23-ны Баасан гариг

Хүлэмжний таримал ургамал шиг л намууд олширсон

А. Засгийн газрын огцрох асуудал бараг сүүлчийн шат руугаа орлоо. Та бол МУ-ын Ерөнхий сайд байсан хүн. Өнөөгийн улс төрийн байдлын талаар өөрийн гэсэн ажиглалт, дүгнэлттэй сууж байгаа байх?

Х. Би бол нэг их гайхаад бас сандраад байх юм алга гэж харж байна. Болох ёстой юм л болж байна гэж ойлгож байгаа. Ямар утгаар болох ёстой юм болж байна гэж хэлж байгааг минь мэдээж тодруулж асуух байх л даа. Тэгэхээр 1990 онд бид өөрчлөлтийг эхлүүлээд, 1993 онд шинэ Үндсэн хуулиа батлаад, тэрүүгээрээ сонголтоо хийчихсэн юм. Үндсэндээ хоёр л том сонголт хийсэн. Нэг нь бол Монгол улс ардчилсан төрийн тогтолцоотой байя. Олон нам дээр тулгуурласан, улс төрийн намуудын үзэл баримтлалуудын өрсөлдөөн дээр суурилсан ийм л ардчилсан тогтолцоотой орон байя. Энийгээ дагаад явдаг тэр бүх элементүүд нь байх ёстой гэж үзсэн. Чөлөөт сонгууль нь байх ёстой. Чөлөөт хэвлэл нь байх ёстой гэх мэтээр бусад бүх үндэс мөчрүүд нь дагаад гараад ирж байгаа юм. Хоёр дахь үндсэн зарчмын сонголт нь юу байсан юм бэ гэхээр эдийн засгийн харилцаагаа зах зээлийн зарчим дээр тулгуурлаж хөгжүүлье гэсэн. Ийм л хоёр том сонголт хийсэн юм шүү дээ. Энэ сонголтоо хийсэн цагаас хойш монгол орон арван хэдэн жилийг туулчихлаа. Нэг талаасаа урт хугацаа юм шиг санагдаж магадгүй. Гэхдээ түүхэн үүднээс нь аваад үзэх юм бол энэ бол богинохон л хугацаа. Энэ хугацаанд бидний хийж бүтээсэн зүйл бол үнэхээр их. Маш их шүү. Энэн дотор нь нэг чухал юм байгаа. Тэр нь ардчилсан төрийн тогтолцооны хамгийн гол утга учир гудамжинд маргахаа болъё л гэдэг асуудал шүү дээ. Гудамжинд маргадаг, хэрэлддэг, зодолддог тэр бүх юмаа парламент дотроо оруулаад ирье. Энэ дотроо маргаж байг. Энэ дотроо хэрэлдэж байг. Энэ дотроо шийдвэрээ гаргаж байг. Тэр нь эцсийн шийдвэр болно. Энэ шийдвэрээ цөмөөрөө дагадаг байя гэсэн л зарчим. Засгийн газар нь муу ажиллаж байна уу, эсвэл УИХ-ын гишүүдэд асуудал байна уу гэдэг нь парламентын өөрийнх нь л хүрээнд явагдаж байгаа асуудал. Нэгэнт парламентын хүрээнд явагдаж байгаа асуудлууд учраас энэ нь үндсэн хуулийн хүрээнд явагдаж байгаа процесс гэж ойлгож байгаа. Бүх юм Үндсэн хуулийнхаа дагуу явагдаж байгаа бол ард түмний хүсэл зоригийн илэрхийллийн хүрээнд үйл ажиллагаа явагдаж байнаа л гэж ингэж томоор харж, дүгнэж болох юм шиг байгаа юм. Би энэ өнцгөөс нь илүү харж бодож байгаа.

Amarjargal

А. Үндсэн хуулин дээр тулгуурлаж цогцлоосон үнэт зүйлсийн тухай та ярьлаа. Өнөөдрийн байдлаар хэсэг нөхөд нь энэ хууль бол халдашгүй ээ, энэнд хэзээ ч битгий гар хүр. Эд гар хүрэх гээд байна шүү гээд хашгираад байдаг. Нөгөө хэсэг нь манай Үндсэн хуулинд засвар хийх цаг нь болчихсоон гэж үздэг.Бидний эцэг хуулиа гэж дээдэлдэг энэ Үндсэн хууль маань үнэхээр төгс төгөлдөр үү?

Цааш нь уншихХүлэмжний таримал ургамал шиг л намууд олширсон