Amarjargal Foundation Blog

-Монгол Улсын гадаад өр одоогийн байдлаар тэрбум 500 сая ам.долларт хүрсэн гэсэн албан бус, баримжаа тооцоо байна. Харин өнөөдөр гадаад өр ямар хэмжээтэй байгаа нарийвчилсан тооцоог эдийн засагч хүний хувьд хэлэхгүй юу. Гадаад өр нь дотоодын нийт бүтээгдэхүүний хэдэн хувийг эзэлж байна вэ?

-Гадаад өр нь одоохондоо тулгамдсан хүнд асуудал биш юм. Ерөнхийдөө ДНБ-ий тавны нэг хувьтай тэнцэж байгаа болов уу. Тиймээс энэ нь том тоо биш. Мөн Монгол Улсын гадаад худалдааны тэнцлийг аваад үзвэл  толгой зовоох хэмжээнд хүрээгүй байна. Тэр утгаараа гадаад өрийн асуудал одоохондоо түгшүүр зарлах хэмжээнд  хүрээгүй  гэж дүгнэж байна.

- Гадаад өр боломжийн хэмжээнд байна гэж дүгнэж байгаа ч дотоод өр сүүлийн үед дарааллан нэмэгдэж байна. Ялангуяа Засгийн газраас зуу, зуун тэрбумаар нь бонд гаргаж байгаа нь цаашид гадаад өрийн асуудлыг хөндөхөд хүрнэ. Өөрөөр хэлбэл, төгрөгийн ханш унавал гадаад өрийн дарамт нэмэгдэх аюултай гэсэн болгоомжлол байдаг. Та энэ асуудалд эдийн засагч хүний хувьд юу гэж хэлэх вэ?

Цааш нь унших »

УИХ-ын гишүүн Х.Тэмүүжин, Р.Амаржаргал, Н.Ганбямба, Ж.Энхбаяр, Ш.Сайхансамбуу нарын гишүүд УИХ-ын гишүүний эрх зүйн байдлын тухай хуулийн болон Монгол Улсын Их Хурлын тухай хуулийн шинэчилсэн найруулгын төсөл санаачлан боловсруулснаа УИХ-ын дарга Д.Дэмбэрэлд өнөөдөр өргөн барив.

Төсөл санаачлагчид УИХ-ын гишүүний эрх зүйн байдлын хүрээнд:
-Үндсэн хуулийн ойлголт болсон гишүүний мандатын эрхийг хуульчлан баталгаажуулж, гишүүний мандатын эрх болон бүрэн эрхийг салган зааглах

-Олон улсын жишгээр халдашгүй байдлыг мандатын эрхэд хамааруулах чиглэлээр шинэ зохицуулалт хийх
Цааш нь унших »

“Төр, хувийн хэвшлийн түншлэл (PPP)-ийн талаар төрөөс баримтлах бодлого батлах тухай” УИХ-ын тогтоолын төслийг Р.Амаржаргал нарын нэр бүхий гишүүд санаачлан, УИХ-д өргөн мэдүүлсэн билээ.

УИХ-ын нэгдсэн чуулганаар тус тогтоолын төслийг хэлэлцэх эсэхийг шийдвэрлэж, улмаар анхны хэлэлцүүлэгт бэлтгүүлэхээр Эдийн засгийн Байнгын хороонд шилжүүлсэн бөгөөд тус Байнгын хороо нь 2009.10.14-ны өдрийн хуралдаанаараа тогтоолын төслийг хэлэлцэж, анхны хэлэлцүүлэгээр нь батлах нь зүйтэй гэж үзсэн. Иймд өнөөдөр (2009.10.15) хуралдсан УИХ-ын нэгдсэн чуулганаар тогтоолын төслийг хэлэлцэж, анхны хэлэлцүүлгээр нь баталлаа.

Уг тогтоолын төсөл батлагдснаар Концессийн тухай хуулийг батлан гаргах, зарим салбарын хууль тогтоомжид нэмэлт, өөрчлөлт оруулах шаардлагатай бөгөөд ингэснээр төрийн тодорхой ажил, үйлчилгээ, чиг үүргийг гэрээний үндсэн хувийн хэвшлээр гүйцэтгүүлэх боломж, эрх зүйн таатай орчин бүрдэх юм.

Төр, хувийн хэвшлийн түншлэлийн талаар төрөөс баримтлах бодлого батлах тухай УИХ-ын тогтоолын төслийг ёсчилосны дараа цахим хуудсандаа нийтлэх болно.

УИХ-ын Р.Амаржаргал нэр бүхий гишүүдийн хамт “Төр, хувийн хэвшлийн түншлэлийн талаар төрөөс баримтлах бодлого батлах тухай” тогтоолын төслийг боловсруулан 2009.06.25-ны өдөр УИХ-ын даргад өргөн мэдүүлэв.

Тус тогтоолын төсөл батлагдсанаар эдийн засгийн өсөлт нэмэгдэж, төсвийн үр ашиг дээшлэн, ажлын байр нэмэгдэж, хувийн хэвшлийн үйл ажиллагааг төрөөс дэмжсэн, тэдэнтэй хамтран ажиллах эрх зүйн таатай орчин бий болно гэж үзэж байна. Мөн Концессийн хуулийг батлан гаргаж түүнтэй холбогдон бусад хууль тогтоомжид нэмэлт өөрчлөлт оруулах, төрийн тодорхой ажил үйлчилгээг гэрээний үндсэн дээр хэрэгжүүлэх хувийн этгээдийг сонгон шалгаруулах, тэдэнтэй гэрээ байгуулах үйл ажиллагаанд нь хяналт тавих, үйл ажиллагааны хэрэгжилт, үр дүнгийн байдалд мониторинг, үнэлгээ хийх зэрэгтэй холбогдсон харилцаануудыг зохицуулсан дүрэм журмуудыг батлан гаргах шаардлага гарна гэж төсөл санаачлагчид үзэж байгаа юм.

УИХ-ын төр-хувийн хэвшлийн түншлэл PPP-ийн түр хорооны дарга Р.Амаржаргал, гишүүн Ц.Баярсайхан, Р.Буд, Л.Гантөмөр, Х.Наранхүү нарын УИХ-ын гишүүд болон ажлын албаны зөвлөхүүд энэ оны 4 дүгээр сарын 15-наас 18-ны өдрүүдэд БНСУ-д ажлын айлчлал хийв.

Дэлхийн банкны Монгол дахь суурийн төлөөлөгчийн газрын санхүүжилтээр зохиогдож буй тус айлчлалын гол зорилго нь Түр хорооноос УИХ-д өргөн мэдүүлэхээр төлөвлөөд буй “Төр-хувийн хэвшлийн түншлэлийн талаар төрөөс баримтлах бодлогын баримт бичиг” батлах тухай УИХ-ын тогтоолын төсөл, “Концессийн тухай” хуулийн төслүүдийг боловсронгуй болгох асуудлаар БНСУ-ын Санхүү, стратегийн яамны төр-хувийн хэвшлийн түншлэлийн бодлогын хэлтэс, Нисэх буудал, төмөр замын компани, Төр- хувийн хэвшлийн дэд бүтцийн менежментийн төв, Дэд бүтцийн зээлийн баталгааны сан зэрэг байгууллагуудын мэргэжилтнүүдтэй уулзаж, харилцан санал солилцох, байгууллагын үйл ажиллагаатай танилцаж, туршлага судлах явдал байлаа.

Дашрамд дурдхад БНСУ нь дэд бүтцийн салбарт төр-хувийн хэвшлийн түншлэл РРР-ийг хэрэгжүүлэгч тэргүүний туршлагатай орон юм.