ХЗБ Lecture 1
Би ер нь хувийн зохион байгуулалттаа сайжруулахгүй бол болохгүй нь гэдгийг ухаарахаас ажлаа эхэл. Эс бөгөөс ямар хор уршигтай талаар Та бидэнд санаа оноогоо бичээрэй.
Миний хувьд хувийн зохион байгуулалтын асуудлыг нэлээн эрт сонирхож эхэлсэн л дээ. Дунд сургуульд байхад анх учирсан юм. Манай нэг хамаатны ах А4-ийн цаасыг 3 нугалаад өдөрт хийх ажлаа тэмдэглээд, орой болгон хянаж дуусаагүй ажлаа маргааш хийх цаасан дээрээ шилжүүлэн тэмдэглэдэг байсан юм. Орчин цагийн хэлээр бол To Do list юм.
Тэр хүн их жижиг маш цэвэрхэн бичдэг байсан. Биелэсэн бол дараад зурна, үгүй бол маргаашийн өдөрт шилжүүлнэ. Нугалхад 8 нүд үүсдэг учраас үндсэндээ долоо хоногийн төлөвлөгөө багтана. Долоо хоногийн эцэст цаасаа дэлгэхэд чухам юу амжуулсан энэ тэр нь тодорхой харагдана. Мөн 3 нугалсан цаас нь хэмжээний хувьд жижиг, пиджак цамцны энгэрийн халаасанд багтана. Тээж явахад хялбар, байнга гар дор.
Одоо эргээд бодоод байхад энэ арга хамгийн энгийн мөртлөө хамгийн өгөөжтөй санагддаг. Би их л шохуурхан асууж лавлаж байсан аа санадаг юм. Дараа нь төрөл бүрийн тэмдэглэлийн дэвтэр компьютерын программ зөндөө л үзсэн хэдий ч дээрхи шиг хялбар, энгийн систем тааралдаагүй.
Бүрэн утгаар нь эл системийг хэрэгжүүлэхэд дахиад л хувийн зохион байгуулалт сахилга хэрэгтэй. Өдөр бүр хэдэн минут гарган маргааш, тухайн долоо хоногт хийх зүйлээ тэмдэглэж байх ёстой. Бас долоо хоногийн эцэст цаасаа дэлгээд хэрэгтэй зүйлээ аваад хэрэглэсэн цаасаа яах вэ гэдэг асуулт байгаа. Миний бодлоор тусгай нэг хавтас нээгээд түүндээ хадгалаад байж болох юм. Дараа нь, сарын эцэст А4-ийн дөрвөн цаастай болно. Түүнийгээ эргэж тойруулаад үзвэл бас хэрэгтэй мэдээлэл санаа оноо зөндөө гарна.
Оюутан ахуй цагтаа хувийн зохион байгуулалтын асуудлыг нилээд сонирхож янз янзаар үзэж эхэлсэн юм. 70\80-аад оны зааг дээр уг асуудлыг нэг их ярьдаггүй байсан. Гэсэн хэдий ч НОТ буюу шинжлэх ухааны үндэстэй хөдөлмөр зохион байгуулалт зэрэг асуудлаар зарим нэгэн гом зохиол олддог байсан.
Одоо бодоод байхад хувь хүний хэрэглээний түвшинд нийтлэгдэж байсан материал ховор байж. Харин Г.Х.Поповын Техника личной работы гэдэг ном олж уншаад нүд нээгдсэн юм. Эл ном бүр 1968 онд анх хэвлэгдсэн хэдий ч тун ховор ном байсан юм. Эл номыг дараа нь 80\90 оны үед монгол хэлээр орчуулан гаргаж байсан санагдана. Ер нь, Попов Г.Х гуйа тухайн үедээ шилдэг сэхээтнүүдийн нэг байсан бөгөөд “захиргаадалтын эдийн засаг” гэдэг нэр томьеог анх хэрэглэж социалист эдийн засгийн үр ашиггүй тогтолцоог хурц шүүмжлэж байсан юм. Түүний бүтээлүүд тааралдвал уншиж байгаарай.
Мөн оюутан байхдаа нэг сонин материал олж үзсэн юм. Энэ бол Как надо работать гэсэн ганц хуудас санамж бичиг. Эл бичгийг Алексей Капитонович Гастев гэж хүн бүр 1920 оны үед бичсэн бөгөөд Сайд нарын зөвлөлийн хүлээн авах байрны хананд өлгөөстөй байдаг байсан гэдэг. Үүнийг би бүрэн эхээр дор үзүүлж байна.
Памятка: Как надо работать
| 1. Сначала продумай всю работу досконально. |
План |
| 2. Приготовь весь нужный инструмент и приспособления. |
Заготовка |
| 3. Убери с рабочего места все лишнее, удали грязь. |
Чистота |
| 4. Инструмент располагай в строгом порядке. |
Порядок |
| 5. При работе ищи удобного положения тела: наблюдай за своей установкой, по возможности садись; если стоишь, то ноги расставляй, чтобы была экономная опора. |
Установка |
| 6. Не берись за работу круто, входи в работу исподволь.
7. Если надо сильно приналечь, то сначала приладься, испробуй на полсилу, а потом уже берись вовсю. |
Вход в работу |
| 8. Не работай до полной усталости. Делай равномерные отдыхи.
9. Во время работы не ешь, не пей, не кури. Делай это в твои рабочие перерывы.
10. Не надо отрываться в работе для другого дела. |
Режим |
| 11. Работай ровно, работа приступами, сгоряча портит и работу, и твой характер.
12. Если работа не идет, не волнуйся: надо сделать перерыв, успокоиться и снова за работу.
13. Полезно в случае неудачи работу прервать, навести порядок, прибрать рабочее место, облюбовать его и снова за работу.
14. При удачном выполнении работы не старайся ее показывать, лучше потерпи.
15. В случае полной неудачи — легче смотри на дело, попробуй сдержать себя и снова начать работу. |
Выдержка |
| 16. Кончил работу и прибери все до последнего гвоздя, а рабочее место вычисти. |
Еще раз чистота и порядок |
Энд бичигдсэн 16 зүйлс зуун жилийн дараа ч ач холбогдолтой хэвээр байгаа биз? Үүнийг сайн орчуулаад бүх байгууллагын хаана дээр одоо ч тавихад болохгүй зүйлгүй шүү.
Харин эл бичигтэй холбогдоод надад нэг дурсамж байдаг юм. Энэ санамжийн монгол орчуулгыг би харсан бөгөөд 80 оны үед МАХН төв хороо билүү эсвэл СНЗ-ын албан ажлын хэрэгцээнд гэсэн явцуу хүрээнд тараадаг ном брошюр дотор байсан юм. Яагаад ийм зөв зүйлийг нийтэд ил гаргаж болоогүй юм бол гэсэн асуулт тухайн үедээ өөрийн эрхгүй ургадаг байлаа. Хүмүүс та яаж ардчилсан хөдөлгөөнд орсон вэ? Юу нөлөөлсөн гээд л зөндөө асуудаг. Дээр дурьдсан шиг, маш ойлгомжтой, улс нийгэмд хэрэгтэй зүйлсийг хүртэл нуун хааж, МАХН л зөвшөөрөхгүй бол хэн ч хүртэж болохгүй мэдээлэлийн монополь тэр үед дэндүү байсан учраас тухайн үеийн тогтолцоонд зэвүүцэх, эсэргүйцэх санаа өөрийн эрхгүй төрдөг байсан юм.
Эргээд үндсэн сэдэвтэй орье. Сүүлийн үед стресс? ядарч туйлдах тухайн зөндөө ярьж бөөн витамин санал болгодог болжээ. Ядарч туйлдах нь ажил хөдөлмөр хэт их хийж байгаагаас биш л дээ. Нэгд, сонирхолгүй утгагүй ажил хийж байгаа бол ядарч л таарна. Хоёрт, зохион байгуулалтгүй, бүтэлгүй, муу ажиллаж байгаа учраас туйлдах нь ойлгомжтой. Амьдралын ид сайхан цагаа бид ажил дээрээ өнгөрүүлдэг. Энд бүтээмж, бүтээл байхгүй бол хайран амьдрал шүү дээ.
Онол практик гэж бий. Юм мэдэх бол онол харин түүнийгээ хэрэгжүүлнэ гэдэг нь практик гэж хялбарчлаж болно. Хувийн зохин байгуулалт хэрэгтэй гэдгийг мэдээсээр мөртлөө хэрэгжүүлж чадахгүй байгаа нь мэдлэгээ бас өөрийгөө үнэгүйтүүлж байгаа юм. Гэтэл өнөөдөр өөрийгөө үнэ хүргэх гэж бүгд л чармайж байх шиг.