Ерөнхий сайдад асуулга тавилаа

Монгол Улсын Ерөнхий сайд Чимэдийн Сайханбилэгт Хөгжлийн бэрхшээлтэй хүүхдүүдийн боловсролын асуудлаар асуулга тавилаа.

Асуулга 2015.09.08

НӨАТ-ын тухай хууль шинэчлэн батлагдлаа

Монгол Улс Их Хурлын даргын захирамжаар байгуулагдсан Татварын багц хуулиудын ажлын хэсгийн ахлагчийн хувьд өнөөдөр УИХ-аар хэлэлцэгдэн батлагдсан Нэмэгдсэн өртгийн албан татварын /НӨАТ/ тухай хуульд өөрчлөлт орсонтой холбогдуулан хэвлэлийнхэнд мэдээлэл өглөө.

Эдийн засгийг зохицуулдаг гол хуулиудын нэг нь татварын багц хууль байдаг. 2014 оны 5 дугаар сард энэхүү хуулиудын төслийг УИХ-д өргөн мэдүүлсэн бөгөөд өнөөдөр анхнаасаа батлагдан гарч байна. Татварын багц хуулиудын төслөөс хамгийн түрүүнд Нэмэгдсэн өртгийн албан татварын тухай хуулийн төслийг өргөн барьж, хэлэлцүүлэн батлан гаргаж байгаа нь хоёр учир шалтгаантай.

Нэгдүгээрт, бид цоо шинэ систем буюу цахим хэлбэрт шилжүүлж байгаа.

Үүнтэй уялдаа холбоотойгоор Монгол Улсын мөнгөн урсгалын хяналтын системийг цоо шинээр бий болгох ажлыг зохион байгуулж байгаа юм. Өмнө нь бэлэн мөнгөөр арилжаа хийдэг, бэлэн бус тооцоо хийгддэг, мөнгөний урсгал хаанаа байна, аль нь татвараар дамжиж байна, аль нь татварын гадуур явж байна гэдэг асуудал байсан.

Энэ хууль батлагдсанаар арилжаа хийж байгаа бүх мэдээлэл нь Татварын газар, Сангийн яаман дээр төвлөрч байгаа тохиолдолд хэн нэгэн хүн ямар нэгэн арилжаа хийх юм бол тэнд автоматаар бүх арилжаа нь бүртгэгдэнэ гэсэн үг. Ингэснээр тухайн хүн дараа нь хүрч ирээд өчнөөн төгрөгийн орлого олсон, төчнөөн төгрөгийн зардал гаргасан гэдэг дээр нэг их маргаан гарахгүй. Яагаад гэвэл автоматаар бүртгэгдсэн байгаа учраас татвараас зайлсхийх, зугтах ойлголт үндсэндээ жигдрэх ач холбогдолтой. Энэ нь өөрөө техникийн чанартай ажиллагаа их шаарддаг учир энэ хуулийн төслийг түрүүлж гаргах шаардлага байсан.

Энэ хууль 2016 оны 1 дүгээр сарын 1-нээс хэрэгжих учир үлдэж байгаа хугацаанд техникийн чанартай бэлтгэл ажил, холбогдох бусад баримт бичгүүд, заавруудаа гаргах бололцоог нь гаргаж өгөх үүднээс татварын багц хуулиуд дотроос хамгийн түрүүнд хэлэлцэн баталлаа. Түүнчлэн хуулийн төслүүдийг боловсруулах явцад давхардсан зүйлүүдийг цэгцэлж өгсөн.

Мөнгөний урсгалыг хяналтын тогтолцоонд оруулж өгч байгаа нь ач холбогдолтой. Мөн үүнийг дагаад бүртгэлийн тогтолцоо эрс сайжрах учиртай. Эдийн засаг бүртгэл дээр тулгуурладаг. Иймээс энэ системийг сайжруулж байж үр ашгийн тухай ойлголтууд гарч ирнэ. Өртөг бүтээх, баялаг бүтээх процесс гинжин урвалаар явж байгаа. Энэ процессын явцад аль шатанд, ямар хэмжээний өртөг шинээр бий болж байна гэдэг тогтолцоо хяналтанд орох, үүнийг урамшуулах зохицуулалт бүрдэж байгаа юм.

Түүнчлэн иргэд өөрсдөө татвар төлөгч байхаас гадна татварын процесст хянагчаар оролцох бололцоо бий болж байна. Энэ утгаар нэг хэсэг нь татвараас зугтаадаг байсан бол одоо иргэн бүр өөрсдөдөө хяналт тавих боломжтой болж байгаа.

 /Шинэчилсэн найруулга/
Amarjargal_VAT
Р.Амаржаргал НӨАТ-ын тухай мэдээлэл өгөв.
Р.Амаржаргал НӨАТ
Р.Амаржаргал НӨАТ-ын тухай мэдээлэл өгөв.

Нээлттэй мэдлэг боловсролын сангийн ажлын талаар

IMG_0007

Эрхэм гишүүд, ЕС, сайд нарын амрыг эрье,

Нээлттэй мэдлэг боловсролын сангийн ажлын талаар товч мэдээлэл хүргэе.

Амжилт:
1) Хан академийн 500 видеог орчуулж нийтэд хүргэсэн (http://mn.khanacademy.org)
2) Хан академийг ашиглах талаар сургалт эхэлсэн, ном, материалууд гарсан
3) 60 мянган үгтэй Монгол хэлний Онлайн вики толийг бэлтгээд байна (http://mn.wiktionary.org)

Асуудал:
1) Төслийн санхүүжилт 2014 оны 10-р сард нээгдсэн тулд ажил саатсан
2) 2014 оны санхүүжилтийн үлдэгдэл 30%-г өнөөг хүртэл авч чадаагүй байна
3) 2015 оны санхүүжилт эхлээгүй байна (Бэлтгэсэн хүмүүсээ халж байна)

Зорилт:
Одоо хэрэгжиж буй төслийн хувьд
1) Хан академийн дараагийн 500 видеог орчуулж бна. Нийт орчуулсан видео 1000 хүрмэгц вэб сайтыг 100% монголчлох эрх нээгдэнэ. Энэ сайт зөвхөн сургах төдийгүй шалгалт авах, сурагчдаа хянах багш нарын хэсэгтэй.
2) Хан академийн хэрэглээг МУБИС-ийн сургалтад нэвтрүүлнэ. Багш нарт хүргэнэ.
3) Монгол хэлний Вики толийг тасралтгүй өргөжүүлж байх тогтолцоо, сүлжээг бүрдүүлнэ
4) Монгол бичгийн 50 видео хичээлийг энэ 3-р улиралд бэлтгэж дуусна

Шинэ төслүүдийг эхлэх, Сангийн үйл ажиллагааг өргөтгөх талаар Хан академийг орчуулан нутагшуулснаар Дунд боловсролд багш нарын үзэж судлах, оролцох талбарыг бий болгож байгаа билээ. Мөн бид технологийн болон арга зүйн чадвартай багийг бүрдүүлж авлаа. Насан туршийн нээлттэй боловсролын онлайн тогтолцоог бүрдүүлэх ажлыг урт хугацааны тогтвортой санхүүжилтгүйгээр хэрэгжүүлэх бололцоогүй гэдэг нь харагдаж байна. Тиймд Сангийн үйл ажиллагааг жил бүр тэндэрээр санхүүжүүлэх өнөөгийн журмыг тогтвортой санхүүжилттэй болгох саналыг бид УИХ-ын даргын з​​ахирамжаар байгуулагдсан ажлын хэсгийн хүрээнд боловсруулж байна.

Төлөвлөж, судлаж буй ажлууд
1) Англи хэлний бүх нийтийн сургалтын онлайн сүлжээ
2) Бизнес эрхлэгчдэд зориулсан Онлайн Энтрепренер Академи
3) Дээд сургуулиудад Google Education багцыг бүрэн нэвтрүүлж дуусгах
4) Төслүүдэд хувийн хэвшил, олон нийтийн санхүүжилтийг татах схемүүд
5) Төрөл бүрийн сургалт, курсуудыг гадаадтай хамтран бэлтгэх, лицензээр авах талаар харилцаа тогтоон ажиллаж байна

Хүндэтгэсэн,
Р.Амаржаргал
Д.Энхбат

Бесы российской демократии

Эрхэм ээ,

Энэ тун сонирхолтой нийтлэл санагдав. Манай дүр төрх ч тод харагдаж байна. Эрхбиш нэгийг бодуулна байх хэмээн хүргэж байна. Линк нь: http://svom.info/entry/525-besy-rossijskoj-demokratii/

Р.Амаржаргал

Бесы российской демократии

ЗОЛОТУХИНА-АБОЛИНА Елена, ЗОЛОТУХИН Валерий

Публицистическая реплика

Должны откровенно признаться: предлагаемые читателям «Свободной Мысли» размышления авторов не являются результатом долгого, всестороннего исследования. Мы не предъявим заинтересованным лицам статистических данных, математизированных выкладок, многочисленных фактологических аргументов с именами, фамилиями и должностями. Говоря пушкинскими словами, перед вами скорее результат «ума холодных наблюдений и сердца горестных замет». Но поскольку мы пишем в журнал, чей идейный пафос совпадает с нашим собственным видением, то надеемся, что наши размышления будут встречены с пониманием.

Бесовство бюрократии

Тема бюрократии — таинственна и загадочна. Она вроде бы присутствует в социально-теоретической литературе, но в то же время как бы и нет. С одной стороны, она глубоко востребована, является насущной почти для любого человека не только в России, но и в других странах (рассказы о кошмарах «евробюрократии» регулярно поступают от тех, кто в призрачной надежде на скорое счастье отправился жить за рубеж).

Цааш нь уншихБесы российской демократии

Хууль баталж байгаа байдлыг өөрчлөх тухай

Peer review – гэж сонссон байх. Академик чанартай сэтгүүлд тогтмол хэрэглэдэг. Жишээ нь: би нэг сэтгүүлд эрдэм шинжилгээний материал өгсөн бол миний нэрийг даран хэн бичсэнийг мэдэх аргагүйгээр 3 шүүмжлэгчдэд илгээнэ. Чухам хэнд илгээсэн болохыг би мэдэхгүй. Шүүмжлэгч чухам хэний материалыг уншиж байгаагаа бас мэдэхгүй: Алдартай том эрдэмтэн, дөнгөж бичиж эхэлж буй судлаач – хэн болохыг мэдэхгүй. Тиймээс ёстой улаан эрээн болгоод буцаана. Шүүмжийг аваад би үндсэн материалаа эргэн шалгаж, тулган үзэж, дурдагдсан коммент БҮРТ хариу өгнө. Санал нийлэхгүй байгаа бол яагаад гэдгээ дахин тодруулаад тайлбарлаж бичнэ. Гурван шүүмжлэгчийн коммент БҮРТ хариу бичих нь амаргүй, хүнд бас цаг их шаардсан ажил. Цаасан дээр буулгасан тоо бүрийг нягтлан шалгаж байж ЭРДЭМ ШИНЖИЛГЭЭНИЙ ажлын хэмжээнд очно. Энэ мэтчилэн ажиллахад хамгийн багаар тооцвол ГУРВАН САР хэрэгтэй (тун өөдрөг нөхцөлд). Зарим статья жил хагасын дараа ч хэвлэгдэх нь энгийн үзэгдэл. Зөвхөн ГАНЦ ЭРДЭМ ШИНЖИЛГЭЭНИЙ ажил нийтлэх гэж өөрийгөө хүндэлдэг нэр хүнд бүхий сэтгүүл ийм л шаардлага тавьдаг байна.

Харин улс орны хувь заяаг одоо ирээдүйтэй нь хамт шийдэж буй хуулийг УИХ хэрхэн баталдаг билээ. Зүгээр л ХАЛТУУР.

  1. хэлэлцэж буй асуудлаа мэддэг нь тун ховор,
  2. өглөө сэдээд үдээс хойш нь хууль батлуулдаг шахуу,
  3. хамгийн тэнэг хуулиа эх орон, эв нэгдэл, намын эрх ашиг г.м лоозонгоор өнгөлөн далдлах,
  4. тун цөөн хүний юм уу бүлэглэлийн ашиг сонирхолд нийцүүлэн гаргах г.м тухай ярихаа больё.

Ядаж мэддэг чаддаг хүнээс нь асуугаад, дээр дурдсан шүүлтүүр шиг юманд оруулаад батлах тухай мөрөөдөж байна.