Шүүх засаглалын тухай

МЭДЭГДЭЛ

Сүүлийн үед шүүх түүний үйл ажиллагаа олны анхаарлыг татаж байна. Манай шүүхийн системд өргөсөн тангарагтаа үнэнч олон зуун шүүгч шудрагаар зүтгэж байгаад би эргэлзэхгүй байна. Гэхдээ эрх мэдэл, өнгө мөнгөтөйд нь үйлчилдэг шүүгч нэг биш байгаа тухай хэн хүнгүй ярьдаг боллоо. Удаа дараагийн судалгаагаар хамгийн их авилгад өртсөн байгууллагаар шүүх нэрлэгдэж байгаа нь эмгэнэлтэй.

Цааш нь уншихШүүх засаглалын тухай

Оны хүнээр шалгарав

Amarjargal's grant Монголын Ардчилсан Холбоо үүсч хөгжсөний 19 жилийн ойн арга хэмжээн хүрээнд Монгол Улсад ардчилал, чөлөөт эдийн засаг, хүний эрхийг баталгаажуулах үйл хэрэгт Р.Амаржаргалын байгуулсан гавъяа зүтгэлийг хүндэтгэн тус холбооны Удирдах Зөвлөлийн шийдвэрээр “Хүний эрхийн төлөө” оны шагналаар шагнав.

Өнгөрсөн жил тус шагналыг Ерөнхий сайд С.Баяр, Чөлөөт Ахмадын Холбооны тэргүүн Г.Баасан нар хүртэж байжээ.

Хөдөлмөрийн гавъяаны улаан тугийн одон

Монгол Улсын Анхны Үндсэн хууль батлагдаж, Бүгд Найрамдах Улсаа тунхагласны ойг тохиолдуулан Монгол Улсын Ерөнхийлөгч жил бүр зарлиг гарган, улс орны хөгжилд онцгой гавъяа байгуулсан хүмүүст “Төрийн шагнал”-ыг олгодог билээ .

Энэ жилийн арга хэмжээн хүрээнд Ерөнхийлөгч Н.Энхбаяр ард түмэн, төр нийгмийнхээ төлөө өндөр үр бүтээл, бодит ач холбогдолтой ажилладаг хэмээн УИХ-ын гишүүн Р.Амаржаргалыг <<Хөдөлмөрийн гавъяаны улаан тугийн одон>>–гоор шагнаж, цаашдын ажилд нь амжилт хүсэв. Арга хэмжээний дараа УИХ-ын дарга Д.Лүндээжанцан УИХ-ын гишүүн Р.Амаржаргалыг хүлээн авч уулзан, баяр хүргэсэн юм.

Мөн Ерөнхийлөгч Н.Энхбаяр улс орны бүтээн байгуулалтад өндөр ололт амжилтыг нэвтрүүлсэн техник технологи, үйлдвэрлэлийн салбарынхан тэр дундаа олон талын зориулалт, ач холбогдол бүхий экологийн цэвэр түүхий эд, бүтээгдэхүүн “Хөөсөн перлитен элс үйлдвэрлэх арга технологи” боловсруулан үйлдвэрлэлд нэвтрүүлж байгаа инженер, Баярс Констракшн ХХК-ын ерөнхий захирал Н.Баянсайхан, уул уурхайн үйлдвэрийн ажлын арга зүй, технологи, шинжлэх ухааны үндэслэлийг боловсронгуй болгож, АНФО шинэ (тэсрэх бодис) төрлийн бүтээгдэхүүн зохион бүтээж, үйлдвэрлэлд нэвтрүүлсэн ШУТИС-ийн профессор Б.Лайхансүрэн, Монгол улсын шилдэг зохион бүтээгч, инженер Ж.Жаяъян болон бусад салбарын тэргүүлэгч хүмүүст “Төрийн шагнал” олгосон юм.

“Төрийн шагнал”-ын эздэд УИХ-ын гишүүн Р.Амаржаргал баяр хүргэж, эрүүл энхийг хүсэхийн ялдамд цаашид их ололт амжилт гаргана гэдэгт итгэл төгс байгаагаа илээрхийлж байна.

2007 оны 11 дүгээр сарын 23-ны Баасан гариг

Удирдах зөвлөлийн хүндэт гишүүн

ОХУ /хуучнаар ЗХУ/-ын Москва хотын Плехановын нэрэмжит Улс Ардын Аж Ахуйн Дээд Сургуулийг төгсөгч, УИХ-ын гишүүн Р.Амаржаргалд 2007.10.29-ны өдөр Плехановын нэрэмжит Оросын эдийн засгийн Академиас “Удирдах зөвлөлийн хүндэт гишүүний үнэмлэх” гардуулав.

Hundet

Р.Амаржаргал тус Академийн Улаанбаатар хот дахь салбарын Удирдах зөвлөлийн гишүүн бөгөөд тус зөвлөлийн үйл ажиллагаанд идэвхитэй оролцдог билээ.

Дашрамд дурьдахад энэ онд Г.В.Плехановын нэрэмжит Оросын эдийн засгийн Академийн 100 жилийн ой тохиож байгаа юм.

2007 оны 10 дугаар сарын 29-ны өдөр