Хүүхдийн мөнгийг ялгаварлан олгохоор УИХ шийджээ

Хүүхдийн мөнгийг ялгаварлан олгохоор УИХ шийджээ.  Манай ажил нэг иймэрхүү, манай улс төрчдийн сэтгэлгээ, улс төрийн шийдвэр гаргадаг зарчим, механизм, манай Сангийн яамны байж байгаа байдал  нэг иймэрхүү.

Асуудлыг ингэж шийдэж байгаа нь

  1. Хүүхдийн мөнгө Төсвийн зардал гэж ойлгож байгаа байдал,
  2. Асуудлын агуулга мөн чанар юунд байгааг хархаасаа илүүд хэн оруулж ирсэн гм хэмжээнд хардаг өнөөгийн улс төрийн хоцрогдол
  3. Улс төрийн зөвшилцөл, компромиссийн орон зайг хумьсан  харалган алхам

Хүүхдийн мөнгө нь

  1. Бидний “үр хүүхэд, ирээдүй” гэсэн үндэсний хэмжээний шинэ үнэт зүйлсээр нийгмийг нэгтгэх бодлого
  2. Нийгмийн итгэлцэлд хийж буй хөрөнгө оруулалт, нийгмийн зөрчил уур амьсгалыг зөөлрүүлэх гэсэн бодлого
  3. Нийгмийн халамж, баялгийн хуваарилалтыг хүүхдээр дамжуулан хэрэгжүүлэх цоо шинэ трэнд үүсгэх бодлого
  4. Эдийн засгийн бүтцийн хоцрогдол зөрчлийг шинэ агуулга механизмаар шийдэх гэсэн бодлого
  5. Үндэсний баялгийн хуваарилалтыг диверсификаци хийх буюу төрөлжүүлэх бодлого гм өнцгөөс харсан бол арай л өөр шийдвэр гарах байсан болов уу.

 

Демократия аас гүглократия д шилжиж байна. 

Демократия аас гүглократия д шилжиж байна.

 

Европд хамжлагат ёс, АНУ-д боолчлолыг халсан үеэс эхлэн ХХ-р зууны хоёрдэхь хагаст цэцэглэсэн орчин үеийн Ардчилал үнэт зүйлс, амьдралын хэв маяг, оюун санаа сэтгэлгээний хэв загвар, ертөнцийг үзэх цогц ойлголтынхоо хувьд, ердөө л 150 жил, хүний эрхийн түгээмэл тунхгаас тоолбол 70 жил болоод унтарч эхэллээ.

Дайны аймшиг гай гамшгийг биеэрээ амссан хүмүүс Дэлхийн 2-р дайны дараа зөв буруу, сайн муу, нинжин сэтгэлийг шалгуур болгон, эрүүл саруул ухааныг дээдлэн амьдрах гэж оролдсон. Гэтэл, хүний нийгмийг бохирдуулдаг хар хүч, харанхуй бүдүүлэг, атгаг, хорон санаат, хорсол, атаархал шуналд идэгдсэн хүмүүс сонгох эрхээр[1] хангагдаж улмаар ардчиллыг булшлан гэдгийг яаж тооцох билээ дээ. Булшлах үндсэн хэрэгсэл нь сошиал медиа болно гэж хэн төсөөлсөн билээ.

Democracy – хар масс нь цөөнхөд хүсэл зоригоо тулган хүлээлгэх хэрэгсэл болон хувирч байна уу?

Ардчиллын оронд Googlecracy (socialmediacracy) хэмээх шинэ загвар тодорч байна. Заримдаа ч санаатай юм уу гэмээр, албаар хувийн амьдралаа ил гаргаж бусдад гайхуулсан “транспарент” шинэ загвар соёолж байна.

Үнэн зөв, хүнлэг энэрэнгүй, улмаар рациональ үндэслэл, сэтгэлгээ зэрэг нь шинэ загварт багтахгүй. Тиймээс төрт ёс, эрх зүйн хувьд хөдөлшгүй гэж ойлгодог байсан идеалууд ширгэж агшиж эхэллээ.

Одоо улс төр эдийн засгийн тодорхой шийдвэр, үйлдлийг чухам яагаад хийх шаардлага үүссэн, ач тус юу гм логик, хууль эрх зүй, эрүүл саруул ухааны үүднээс тайлбарлах ямар ч шаардлагагүй харин ухуулга пропаганди байхад хангалттай. Энэхүү ухуулга пропагандийг нийгмийн сүлжээгээр хэрэгжүүлнэ.

Товчхондоо, хууль эрх зүй, соён гэгээрэл, хүмүүнлэг ёс, соёл иргэншлийн оргил өөд тэмүүлэл үүгээр дуусгавар болжээ.

Мөнхийн нандин зүйл, сайн санаа, эрүүл ухааныг түгээн дэлгэрүүлдэг төрийн хүн, шинжлэх ухаан соёлын зүтгэлтнүүдийн өмнө саяхан болтол Хэлгүй сүрэг, атиран шатаж, нуугдаж байжээ. Хэлгүй сүрэг өнөөдөр хэлд орж сошиал сүлжээгээр аалзны тороо айдасгүй хэрдэг болжээ. “Юуны чин хүнлэг энэрэнгүй дэг журам, дарангуйлал, хүчтэй гар хэрэгтэй, баячуудын өмч хөрөнгийг дээрэмдэх нь гэмт хэрэг биш, цус урсгах цаг болсон”, гм нүд орой дээрээ гармаар юмыг түгээн тараадаг болжээ. Нэг их ухаантай биш ч хорсол атаархалдаа идэгдэж, бусдыг анхааралтай сонсож тал бүрээс нь үндэслэн хэлэлцэх логик сэтгэлгээнд огт сураагүй тэд тоондоо улам бүр эрдэж байна. Хүний олноор хүн барьж иддэг юм байна.

Соён гэгээрүүлэх, эрүүл саруул ухаан, нинжин сэтгэл, нандин чанарт тулгуурласан ардчилал тоглоом боллоо.

Нийгэм хэдий чинээ ардчилсан байна төдий чинээ тоталитар үзэл санаа хүчээ авч түүнийг хэрэгжүүлэгч нь сошиал сүлжээ болжээ.

 

[1] Alexis de Tocqueville Democracy in America 180 жилийн тэртээ ийм аюулгүй байгааг анхааруулж байсан.

 

Сар шинэдээ сайхан шинэлээрэй.

17 дугаар жарны айлчлан ирж буй “Тийн унжлагат” хэмээх шороон Нохой жилд төр маань түвшин, түмэн олон маань амар амгалан байж, эх орны минь хөгжил дэвшилд шинэхэн ахиц, амжилт бүтээл арвин байж, монгол түмэн минь элгээрээ энх амгалан, төрлөөрөө төвшин сайхан, юу санасан есөн цагаан хүсэл нь сэтгэлчилэн бүтэж байхын өлзийтэй ерөөлийг өөд өөд нь өргөн дэвшүүлье.

Сар шинэдээ сайхан шинэлээрэй.

Монголын төрд “Ядаж Амаржаргал шиг байгаарай” гэсэн стандарт бий болгочих юмсан гэдэг бодол бий

-Таныг сая нэг их хүнд сэдэв, тэр дундаа улс төр бодож толгой өвтгөх сонирхолгүй байгаа гэж хэлсэн болохоор ярилцлагаа хөнгөхөн сэдвээс эхлүүлье. Жишээ нь, Монголын топ моделийг жил бүр шалгаруулдаг “Гоёл” наадам байна. Та зургийг нь twitter-тээ тавьсан байсан?

-Үгүй яах вэ. Нэг их үзээд байдаггүй юм. Гол нь, эр хүнийхээ хувьд эхнэрээ баярлуулах хэрэгтэй биз дээ. Хааяа гоё сайхан үзвэр үзэхэд нь хань болж явж байгаа юм. Гэхдээ сүүлийн 2-3 жил тогтмол үзээд л байна.

-Танд ямар бодол төрж байна?

-Нэг зүйл ажиглагдаж байгаа нь манай загвар зохион бүтээгчид маш хурдан өсөж байна. Дизайнеруудын сэтгэж байгаа, уран сэтгэмж, бүтээлийн чансаанд асар том үсрэлт гарч байна. Тэрийг нь хараад хувьдаа маш их баярлаж байгаа. Ялангуяа эртний үүх түүхээ уншиж, судалж байгаа байдал, орчин цагийн хэв загварыг томьёолж шинээр гаргаж ирж байгаа нь маш гайхамшигтай. Бахархахаас өөр аргагүй. Эдийн засгийн бүхэл бүтэн бие даасан салбар гарч ирж байна гэж харж байгаа.

Энэ нь манай Монголын эдийн засагт их том бүтэц бий болох ирээдүй байна гэж бодогддог. Магадгүй манай монголчууд үүгээрээ дотоодын нийт бүтээгдэхүүнийхээ нэлээн хэсгийг үйлдвэрлээд гараад ирэхийг үгүйсгэхгүй. Ялангуяа манай моделиуд чинь бас л том дотоодын нийт бүтээгдэхүүний нэг хэсэг болоод явж болно. Бас байж болох л хувилбар.

-Та бас тоо боддог байх нь. Тийм үү?

Цааш нь уншихМонголын төрд “Ядаж Амаржаргал шиг байгаарай” гэсэн стандарт бий болгочих юмсан гэдэг бодол бий