Р.Амаржаргал: “Энэ бол нэг сая долларын үнэтэй асуулт”

Эрчүүд, цэргүүд, залуусын тухай яриа

Бюро 24/7 ярилцлагын булан Монгол цэргийн өдөрт зориулж Монгол улсын ерөнхий сайд асан, бэлтгэл ахмад Р.Амаржаргалыг зочноор урьлаа. Тэрээр бидэнд цэрэг эрс гэж хэн болох тухай ярьж, түүхэн хүн, төрийн хар хүн гэж хэнийг хэлдэг тухай өгүүлэхийн хамтад бидний сонирхсон нэг сэдвийг “Сая долларын үнэтэй асуулт” гэж нэрлэлээ.

Тогтуун хүч хэмээн нэрлэдэг улс төрч, бэлтгэл ахмад Р.Амаржаргалтай хийсэн энэхүү ярилцлага гурван сэдвээр өрнөлөө. Монгол улсын Ерөнхий сайдаар залуудаа томилогдон ажилласан тэрээр эр цэрэг, эх оронч үзлийн тухай юу гэж боддогийг нэгдүгээр хэсгээс үзээрэй. Ардчилсан нийгэм монголд тогтсоноос хойш эдийн засгийн чөлөөт байдлыг бий болгох гол зорилгын төлөө ажиллаж, залуугаас өдий хүртэл явсан Р.Амаржаргал гэж чухамдаа ямар хувь хүн бэ гэдгийг ярилцлагын хоёрдугаар хэсгээс тоймлон унших боломжтой. Хамгийн сүүлд та “Энэ бол нэг сая долларын асуулт” байна гэж түүний хошигнож хэлсэн “Монголын эдийн засаг хэзээнээс эргэн сэргэх төлөвтэй байна вэ” гэх асуултын хариуг уншаарай. Мэдээж түүний хамгийн сүүлийн үед хийж бүтээсэн гол ололт амжилт, ойрхи ирээдүйд хийх гэж байгаа зүйлсийнх нь талаар бид асуусан байгаа.

Read more…

Монгол цэргийн баярын мэндийг хүргэе

Шинэ цагийн Зэвсэгт хүчин үүсэн хөгжсөний түүхт 96 жилийн ойн өдөр өнөөдөр тохиож байна. Эх орныхоо тусгаар тогтнол эрх чөлөөний төлөө тэмцэж, ард түмнийхээ аюулгүй байдлын манаанд үргэлж зогссон зоригт эрчүүд, бүсгүйчүүдийн үргэлжлэл болон эх орноо батлан хамгаалах хариуцлагатай бөгөөд хүндтэй үйл хэргийг нэр төртэйгөөр биелүүлж яваа Монгол улсын цэргийн бүхий л алба хаагч, хамт олон тэдний гэр бүлийнхэнд аз жаргал сайн сайхан бүхнийг хүсэн ерөөе.

Бэлтгэл ахмад Р.Амаржаргал

“Цэргийн Андууд” уулзалт.

2017 оны 3 сарын 11 өдөр, ЦНДС үе үеийн төгсөгч, ажилчид, багш хамт хамны “Цэргийн андууд” уулзалт арга хэмжээнд оролцон, хамт олон, шавь нартайгаа уулзан нэг үдшийг сайхан өнгөрүүлээ. Та бүхнийхээ гэр бүл эрүүл энх, амьдралд тань хамгийн сайн сайхныг хүсэн ерөөе!

Бэлтгэл ахмад, Р.Амаржаргал

Read more…

Өнөөдөр Олон Улсын эмэгтэйчүүдийн эрхийг хамгаалах өдөр

Өрх гэрийнхээ нар, өргөн түмнийхээ сор болсон Монголын сайхан ээж нар, охид бүсгүйчүүдээ! Буурал дэлхийн үрчлээт магнайг цэцгээр чимэн ирдэг хаврын сайхан баяр – Мартын 8-ны баярыг чин сэтгэлээсээ хүргэж, бүгдээрэнд тань аз жаргалыг хүсэн ерөөе!